SVH Omeopatia

"La suletta ed unica obligaziun d'in medi è
da guarir umans malsauns. Quai numnan
ins medegiar."

Dr. Samuel Hahnemann, "Organon da l'art de guarir" - §1

Nus essan lunsch davent da chapir la natira. Ed i na fiss betg filosofic
da snegar l'existenza da fenomens perquai ch'ins na sa betg explitgar
quels ord la vista da la scienza moderna. La natira è plain miraclas.
E quellas miraclas spetgan da nus cun pazienza da vegnir scuvridas,
experimentadas e chapidas.

Dr. Samuel Hahnemann è naschì avant passa 250 onns
ed el ha scuvert impurtants fenomens natirals e fundà sin quels l'omeopatia.
El ha chattà tge medischina che po gidar en tgenin cas. E che la medischina
cun ina dosa pitschna sa effectuar dapli dal bun al pazient ch'ina dosa gronda.

Hahnemann era in spert genial pervia da sias scuvertas en la medischina.
Tranter ils medis, apotechers, chemichers ed auturs da ses temp in dals pli
renconuschids. Ma gnanc el sez saveva declerar pertge che ses medicaments
en dosas fitg pitschnas pudevan avair in effect uschè effizient.
Tuttina ha el nizzegià quels medicaments ed ha fatg accessibel
la savida da l'omeopatia per il bainesser da l'umanitad.

Blers èn suandà a Samuel Hahnemann ed a ses ideals e guareschan tenor
ses avis. Tut quels ch'èn stads sezs malsauns e ch'èn daventads sauns
entras l'omeopatia san da la grazia ch'è fundada en quest art da guariziun.

En sia ovra "organon da l'art da guarir" aveva Hahnemann formulà suenter plirs
onns d'experientscha 1796 la lescha da l'analogia sco basa per l'omeopatia.

"Elegia per guarir miaivel, spert, segir
e duraivel - tar tuttas malsognas
- in remedi che sveglia in mal artifizial
per curar la malsogna natirala."

Dr. Samuel Hahnemann, "Organon da l'art de guarir"

Per explitgar sia pretensiun agiunta Dr. Hahnemann l'exempel suandant:
In maun che vegn bagnà en aua chauda è l'emprim bler pli chaud che
l'auter maun. Dentant suenter il bogn daventa il maun bler pli fraid che l'auter.
In organissem saun producescha pia suenter esser stimulà cul fraid ina chalira
e suenter esser stimulà cul chaud ina fradaglia.

Per consequenza na duai ina brischada betg vegnir tractada cun glatsch
ni aua fraida mabain cuntrariamain. Cun in impuls chaud che animescha
l'organissem da producir fradaglia, vul dir da sfradentar.
Dr. Hahnemann ha recumandà da tegnair in maun brischà anc ina giada
uschia datiers sco pussibel al chaud. Da l'autra vart basegnan schelentadas
in impuls fraid per producir ina chalira per la guariziun.

Quai che para a prima vista in paradox vegn dapi lura applitgà cun success
- ed i funcziuna era anc oz.

Similia similibus curentur

Sumegliant vegn curà cun sumegliant.

Dr. Samuel Hahnemann

Mintga irritaziun provochescha ina reacziun. Ed uschia ha era mintga effect
ina raschun. Il pli grond merit en l'omeopatia medicinala è la savida e
l'experientscha dal effect da la medischina cun tut sia dinamica sin l'organissem
saun u malsaun. Il regal da l'omeopatia è sia applicaziun sperta, miaivla,
segira e durabla per curar la sanadad. Quai è igl ideal da la guariziun omeopata.

In medi che patratga e lavura cun l'omeopatia fa ses quint cun l'ustier - cun
la forza vitala che vegn numnada dynamis. El sa tge cuntereffect che
la medischina sa avair per il malsaun ed el quinta era cun quel.
Pertge quai effect bilateral terapeutic guarescha l'uman a l'interiur
- a moda dinamica, natirala ed integrala.

Aude sapere

Ristga dad esser sabi.

Dr. Samuel Hahnemann

Prezià visitader, preziada visitadra - cordial bainvegni!

L'Associaziun Svizra per l'Omeopatia SVH maina ensemen ils amis
interessads a l'omeopatia en Svizra e preschenta a quels l'art da guarir
da Samuel Hahnemann.

Cun noss program annual envidain nus Vus da far part a differentas
occurrenzas cun vasts temas enturn l'omeopatia.

Il SVH è avert per tut quels e quellas ch'èn fascinads da la teoria e da la pratica
da l'omeopatia. Intermedià vegn davart l'istorgia, las persunas, la derivanza,
la savida da basa ed il connex per la preparaziun da medischina omeopata
e ses diever tenor tut las reglas da l'art.

Il SVH è la pli veglia Associaziun omeopata da laics en Svizra.
Nus avain ina lunga tradiziun. Il SVH è avert per tuts. Tranter noss
commembers èn medis da l'omeopatia, dentists, apotechers, terapeuts,
tgirunzas, spendreras, mammas, babs, sportists, pazients ed anc blers
auters pli - surtut umans sauns sco Vus!

Sco commember u commembra sustegnais Vus las finamiras da l'omeopatia.
Vus obtegnais periodicamain noss magazin "SVH Folio" nua che temas actuals
vegnan tractai da funs. E vus profitais d'entradas reducidas ad interessants
referats, curs, excursiuns ed ulteriurs eveniments davart il tema
"art omeopatic da guarir tenor Samuel Hahnemann"
en tut la Svizra.

Commembers e commembras dal SVH profiteschan en tut la Svizra
d'entradas reducidas d'occurrenzas ord noss program annual.
Sulettamain singulas occurrenzas spezialas èn reservadas
exclusivamain per commembers e commembras dal SVH.

Cun vossa commembranza sustegnais vus las finamiras da
l'omeopatia en Svizra. Vus profitais en il medem mument da
l'abunament da noss magazin "SVH" Folio".

L'Associaziun e politic e religius neutrala.
La contribuziun annuala custa Fr. 55.-.

Nus ans allegrain da beneventar vus al SVH.

Envidai Voss amis. Giasts èn bainvegnids!

Georg M.Kissling
President Associaziun Svizra per l'Omeopatia

Annunzias èn da far directamain tar l'organisatur.
Per plaschair resguardar ils termins d'annunzia e las cundiziuns dal program!

Pustai gratuitamain ils exemplars giavischads dal program actual annual
dal SVH per preschentar en Vossa pratica al secretariat.

Annunziar la commembranza

Essas Vus interessads,
fascinads ed entusiasmads?

Sco commember intervegnis
Vus dapli davart l'omeopatia

Sa participai a nossa associaziun

Home - *Associaziun* - Program - Folio - Biblioteca - Contact - Links - Novitads